ИНСТИТУТ ЗА ХРАНА

Институтот за храна е формиран во 2010 година. Институтот има 9 вработени од кои седум се со наставнонаучно звање, а двајца се виши лаборанти. Вработените на Институтот учествуваат во реализација на наставнообразовната дејност, научно-истражувачка дејност, стручно-апликативна дејност, како и поголем број на активности од поширок интерес. Во рамките на Институтот се работи во повеќе лаборатории, во кои се изведува практична настава за студентите од прв циклус, и научно-истражувачка работа со студентите од втор и трет циклус студии. На тој начин студентите се стекнуваат со практични вештини и компетенции, со цел да бидат конкурентни на пазарот на трудот од областа на квалитетот и безбедноста на храната. Вработените на Институтот учествуваат во реализација на бројни национални и меѓународни научно-истражувачки проекти. Добиените резултатите од истражувањата се презентитраат на настани од меѓународен карактер, а исто така се објавуваат во реномирани меѓународни научни списанија. Во активностите во рамките на проектите се вклучени и студентите на магистерските и докторските студиии. Вработените на Институтот за храна и студентите реализираат студиски престои во странство во рамките на различни програми и на тој начин ја развиваат меѓународната соработка на Факултетот. Исто така, во рамките на Институтот се вршат и апликативни дејности и се воспоставува оработка со институции од земјата и странство во областа на квалитетот и безбедноста на храната.

• Катедра за квалитет и безбедност на храна
• Катедра за преработка на овошје и зеленчук

 БРОШУРА-ИНСТИТУТ ЗА ХРАНА 451.21 Kb